الى من تركني طفلا على جرف الهوى

من ثكَل حمل السوالف...
سولفت لليل عني...هواي عني... وعنك انت..

وسولفتله... عمري ذاك بطرف عينك
سولفتله شلون بكَته
سولفت لليل سري...
سر حجيته وما كتمته
سولفت.. جي ما اريدن...
انصلب بشفاف سكته
سولفت لليل عنك... كلشي عنك
كلشي حته الما عرفته!!
سولفتله شكد تنيتك..
عل درب شكد تنيتك
وما تجيني... والدرب سواني نكته
سولفتله.. شكد تنيتك
وخلصت وركَ الشجر
بلا يجيني .. مايجيني
جي لان حاسبهه جيتك
فرحه اطفال ويتامه...
يمه هذا العيد اجانه

شايل بجفه فطرته...
سولفتله..شكد تنيتك
مثل ذيج الجفهه ذابل...
وضيع اثار النعومه ..
صفنت الليل ..وهمومه
ومنه طالع ..بس اصابع ..
تريد تاكل ..
بكد لهفته ..العانه يلزم ..
بكد لهفته انه تنيتك
وابتدت منا روايه .. بس اضنهه بلا نهايه !!
جي عطش انه عله طولي ..

وانته تجري كبال عيني .. نهر..
بس ما يطي مايه!!
وهذا حلمي.. باقي حلمي.. وماتلاشه
لان ادري ..نسمه طبعك..واااخ كلبك..
برقه جناح الفراشه
وهاك اخذ زهرة شبابي..
الذبلت بطول انتظارك
وفدوه لو زهرة شبابي
ذبلت بطول انتظارك..انه لجلك انتظر
وابقه اتانيك بحياتي...
ابقه اتانيك ومحمد
ابقه حد ما احتضر
ومدري ليش.. بلا سبب..
ابتعد دفتر غرامي..
الليل ما يكره كلامي ..
ثاري طر النه الفجر
ولحكت اختم ختامي .. لحكت اختم ختامي ..
انه لجلك انتظر..


تحياتي الكم..............