يـــــــــــــــــــــــــــــا

ياكلبي اشتاكيت؟

ولك ها يا كـَلب جنك اله اشتاكيت
مليت اني منه وانت مامليت ؟؟

ميحبك يكلبي شبيك افهم عاد
نساك الي تحبه وانت ابد مــنسيت

ميفكر بعد ميهمه حالك هاذ
ولاتنزل ابد دمعاته مهما ابجيت

لا تهتم ياكلبي وانسه حبه ارجوك
قابل كلبه انته ومني تبريت؟!

اعرفك ذايب وخلصان ميت شوك
أي بس كابر بعد .. اعرف ولك حنيت

اريدك مثلي مــتبين حزن عيناك
مو هذا اني يمك .. والله هم عانيت

ما اذكر جبرتك .. كافي هذا النوح
انت الجازفت بالحب تره وحبيت

اتحمل نتيجة تعبك المافــــــــاد
وحدك انت وحدك بالجرح ضليت

لاتترجه منه يحبك ويهواك
عافك وحدك وماقدرك من جيت

انسه الصار بيك وخلي اني ارتاح
ياكلبي اتعبت منك تره وجنيت

أموتك حته اخلص ؟ لو اموت شلون؟
أي مو من البجي بدموعي وك غصيت

أغني وجني ماشايل هموم الكون
ليش تصير ضدي وبس حزن غنيت

سويتك صدك شاعر تحبه الناس
ردتك تنسه بس شو كلشي ماسويت

ضليت بحنانك وبمحبتك ذيج
بعدك بالحلم عايش فلا فزيت

بعتني وانته كلبي وصرت مثله النوب
تفكر بالنســـــاك وعني اتخليــــــــــت

شعر صهيب السامر
تحياتي....... صاحب المنتدى