دارميات روعه

اذا من حجر كلبك مرمراني
كل هذا وغيابك مرمراني
اذا تكدر تجينه مرمراني
بعدني اتنطرك صبح ومسيه


واضل لدربك اتربه ولاياس
عطرك لاورد جوري ولاياس
المعوذة وياك مافادت ولاياس
بعد شقرالك وترجع اليه



واليه رجعتك صدك بشارة
وكلبي عليك متعود بي شارة
تفهم كل الي تريده بشارة
اشارتكم امر واجب عليه


والواجب علينه صار فرضه
مثل الصوم البرمضان فرضه
شعيره سدد انته علي وفرضه
نظراتك فشك ويطيح بيه


ولاهمني فشكم من صباني
للآن حبكم بكلبي من صباني
للماتو فواتح انصب اني
للآن كل وكتي صاير بس عزيه


موبس عزيه بالضيم حالآ
واريدنك تحبني بساع حالآ
السوالف عتكن بفركاك حالآ
والحايل يقل سعره شويه


ولو قل السعر واصبح بلاشات
تيه نصير جن راعي بلاشات
صوجك انته وي جاهل بلا شات
وتدري برفكة الزعطوط اذيه



ورافكته وحضنته ومستحبه
ويعجبني دلاله ومستحبه
الزيارة صدك كالو مستحبه
فرض واجب زيارتكم عليه


وزورنهم فرض واجب ومرهم
وانا الشارب الحنضل ومرهم
علي غصبا اطيعنهم وامرهم
ووكف واستعد واخذ تحيه

كلامك بالكلب يوجع وينبت
والله كلام ذهب
وصح لسانك ربوحي

هذا اقل شي تستحقو يا اروع اعضاء في اروع منتدى

وربي ذووووووووووووووووووووووووق انت عسل وربي

تدللون حبي

ذووووووووووووووووووووووووق وربي تسلملي يا اوردة

هذا من ذوقكم حبي