"قصيده عن الغربه تبجي والله

الغربه
يا دنيا انتي الي حرمتيني من اهلي
وعشت بالغربه من غصبا" عليه
ادك يا باب واسأل من عليكم
ضعف صبري وزماني خان بيه
شوصف الكم غربتي
صدري مخنوك وصوتي مبحوح
دفنتوني بغرب وتعالج الروح
غريب وكل غريب يتذكر اهله
الام الحبيبه الوالد الحبيب اخواني
احبابي اصحابي حيراني في البيوت
تره من غيركم دنياي تابوت
عذاب افراكم مثل المنيه
هلي مكاني الي احبه بعده موجود
وحديقتنه بعدها محمله ورود
بعدها صورتي تتوسط البيت
واغاني الي احبه من الطفوله
انا لناظم وللكبنجي حنيت
للمقهى القديم وجاي ابو الهيل اشتاكيت
ابو ذياتنا ومقاماتنه وعتاباتنه سحر المواويل
بحضن دجله الزوارق هايمه اطوف
ونيران الشواطي وسمج مسكوف
الله ينتقم منج يا ايام
هلي الطيبين ضاعوا من اديه
بيش اعوضهم يا ربي
وانا كلب الطفل كلبي
من يجي براسي هواهم
يرحك اثياب الي عليه
اقره ايات ودعائي حنن الغربه عليه
كل صوركم بجت يمي
افرجها ربي شلون بيه
حقي لو اضعف شسوي
الارض مو ارضي
الناس مو ناسي
الجو مو جوي
يصير اذل نفسي واشكي لعدوي
يا دنيا انتي الي حرمتيني من اهلي